العيوب التلاتة (تناول سطحي مبدئي)

الانسان مليان بالأخطاء.........دي حقيقة اثبتها عندك يابني
لاحظت ان نوعية من الناس بتتكلم عن مميزاتها بشكل مستمر و مزعج....لكن كله في الهجايص..اشتغالات..فشر و خلافه
يعني تقعد تتكلم ربع ساعة مع واحد من دول..ربع ساعة اونلي
تكتشف اجادته التامة لست لغات ..و انه بيفهم في الطب و في الهندسة و التاريخ و الجغرافيا
ده في اول ربع ساعة
و يا سلام لو جالك صبر تقعد حبة كمان هيص بقه
اكيد حيطلع مهتم بالطاقة النووية...و هوايته مراقبة الاجرام السماوية (ما الاجرام في دمه)..

سيبك من الناس دي ...خليك معايا انا

انا بقة حاتكلم النهارده عن عيوبي... هي طبعا قليلة قوي لأني عبقري و جامد و ما حصلتش
بس برضه اقولها ما يجراش حاجة:

الأول) العيب ده بقه اسوأ حاجة فية و هو اني متسامح لأبعد الحدود و ما بشلش ضغينة لحد..و اي حد بيشتمني في سره دلوقتي انا مسامحه(= في سرك بس بشرط انه يبقي في بير)



التاني) الالتزام...انا ملتزم قوي يا جماعة في مواعيدي و تعاملاتي و خايف لو ما تخلصتش من الحكاية دي اني افضل ملتزم علي طول
و الناس تقعد تقول الملتزم راح الملتزم جه...شئ فظيع فظيع



التالت) العيب ده بقة حصريا مش حاتلاقيه غير عندي و انا مخبيه جوايا من زمان و ما قلتش لحد عليه خالص..الا و هو الفلسفة
ايوه يا جماعة انا فيلسوف مش قادر اخبي اكتر من كده....الفلسفة دي مرض
بتخليك تبص للأمور من زوايا مختلفة
و مش اي زوايا دي زوايا في الفراغ يعني تلات ابعاد يا جماعة و طبعا دي حاجة مش كوول خالص

بس كده
مش لاقي عيوب تانية
و طبعا مش عايز ادوشكو بمميزاتي زي الجماعة المذكورين اعلاه


خليها يوم اجازه عشان اكتب براحتي.....!

مكتوب بتصرف من الدكتور مهاب الحريري
يرجي التأكد من العلامة المائية

Hello? Can You Hear Me? x

Hi

I know, you're probably tired of hellos by now, but every new contributor must announce his presence in the blog(HELLO). Nothing like being surprised by a 60dB tone when you've been listening to -ve dB tones for the past 15 minutes(OW, MY EARS!), to prompt you to start blogging. If you don't get what I'm talking about, never mind, that's normal.(I think?) x 

Sorry for typing in English, coz I suck at typing in Arabic, plus these posts are usually spur of the moment and I need to write them quickly before the will vanishes, and hey, you may learn a new word or two. x

They say a picture is worth a thousand words, how much do you think a video is worth? x

Relaaaaax:-)  x

More posts to follow ISA (When I have regained my sense of hearing) x

Salam 

P.S

If youre wondering about the little "x" at the end of lines well these are coz of the incompatibility between the English and Arabic languages ??

see

بادئ ذى بدء

بسم الله الرحمن الرحيم

فى البداية أعرفكم بنفسى
أنا محمد الشهير بميجاهت (ميجاهت علامة تجارية مسجلة "جميع الحقوق محفوظة لشركة ميجاهت المحدودة - سملوط")

أما عن إنجازاتى فهى عديدة
لعل أبرزها فوزى فى بطولة المنطقة الجنوبية للبلاى ستيشن
و طبعا الكلام ده كان قبل ما اللعبة تلم و اللى يسوى و اللى مايسواش يلعب فيها (اللى مايسواش ده طبعا عارف نفسه)

أما بالنسبة للإنجازات الرياضية (اللى بحق و حقيق)
فأنا لا أجيد الرياضات العنيفة مثل البلياردو و البولينج و البينج بونج
و أكتفى بمشاهدة الدورى الإنجليزى على التفلزيون (الدورى الإنجليزى الممتاز على شوتايم برعاية توشيبا )
و أعتبر متابعى الدورى المصرى من السذج بكل فئاتهم :
الأهلاوية سذج
الزمالكاوية سذج تربيع (سذج * سذج)
أما مشجعى باقى الفرق فهم كيلو سذج (سذج * 1000)
و ياريت محدش يتشملل عليا لأنكم عارفين الموضوع ده و متأكدين منه

و نسيبنا بقى من تاريخى الرياضى المشرف و ندخل على منطقة أخرى
و لا أقولكم
كفاية كدة
عشان متزهوش منى

ملحوظة صغيرة
كنت ناوى أبدأ بمقال تهييسى قوى
و لكن الطاسة مش رايقة النهاردة

خليها يوم تانى
إن شاء الله

يا مرحب

في البداية
احب ارحب بكل الموجودين...وغير الموجودين
يعني برحب بالجميع ترحيبين واحد خاص وواحد عام و واحد غرق!
انا في الحقيقة مش عارف ابتدي ازاي الموضوع كبييييير...يعني صعب ادراكه و تخيله
السؤال اللي انا عايز اجاوبه مش من عينة: ماذا تقول و أين ترعرعت؟؟!
و انما من عينة اعمل ايه دلوقتي؟؟!!
ده مش من قلة الحاجات اللي تتعمل و لا من كترتها
لكن لأن بقالي مدة بجاوب و اقرر و انفذ...و اجاوب و اقرر و انفذ و بعدين اجاوب و اقرر و انفذ و هكذا....
الحكاية يعني بقت سهلة و يسيرة بس خد عندك الجملة المكلكعة اللي جاية دي:
"المشكلة ان الأشياء و الأفعال فقدت مدلولتها الواقعية مما اثار الشك في جدواها و تعمم ذلك علي كل شئ..."
اللي فهم حاجة من الكلام ده يقول رأيه و اللي مش فاهم يطنش
اساسا في احتمال ان انا اكون باخرف.. احتمال كبير علي فكرة
ما علينا كفاية عليكو كده ترحيب .....سلام